चलचित्र ‘ऊनको स्वीटर’ वैशाख २६ मा रिलिज हुने

काठमाडौं । चलचित्र ‘ऊनको स्वीटर’ वैशाख २६ मा रिलिज हुने भएको छ ।  

विपिन कार्की र मिरुना मगरको शीर्ष भूमिका रहेको उक्त चलचित्रको पोस्टर सार्वजनिक गर्दै निर्माण टिमले रिलिज मिति सार्वजनिक गरेको हो ।  

सार्ववनिक चलचित्रको पोस्टरमा डोको बोकिरहेका विपिनले हातमा डायरी बोकेका छन् भने मन्द मुस्कानमा रहेकी मिरूनालाई राखिएको छ । चलचित्रमा विपिन र मिरुना सँगै सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल, भावना खपाङ्गी मगर लगायतको अभिनय छ ।

आर्टमाण्डु प्रा.लि.ले निर्माण गरेको पहिलो फिचर फिल्म ‘ऊनको स्वीटर’का निर्देशक नवीन चौहान हुन् । आर्टमाण्डुले यस अघि निर्माण गरेका थुप्रै म्युजिक फिल्म लोकप्रिय छन् ।