इन्टर मियामी यूएस ओपन कप फुटबलको फाइनलमा

इन्टर मियामी यूएस ओपन कपको फाइनलमा प्रवेश गरेको छ । सिनसिनाटी एफसीलाई टाइब्रेकरमा ५–४ गोलले पराजित गर्दै इन्टर मियामीले फाइनलको यात्रा तय गरेको हो । निर्धारित समय दुईदुई गोलको बराबरीमा सकिएको थियो । त्यसपछि अतिरिक्त समय थप एकएक गोलको बराबरीमा सकिएको थियो । यो खेलमा मेस्सी गोल गर्न भने चुके । यस अघिका उनले खेलेका सातवटै खेलमा गोल गर्न सफल भएका थिए । केही दिन अघि मात्र मियामीले लिग्स कपको उपाधी जितेको थियो । उपाधि भिडन्तमा ह्युस्टन डाइनामो र रियल साल्ट लेकबीचको विजेतासँग हुनेछ । फाइनल सेप्टेम्बर २७ मा हुनेछ ।