अफगानिस्तानमा गाडी दुर्घटना हुदाँ ६ जनाको मृत्यु

एजेन्सी । उत्तरी अफगानिस्तानको बदख्सान प्रान्तको कोक्चा नदीमा यात्रु बहाक गाडी खसी दुर्घटनाग्रस्त हुँदा कम्तीमा ६ जनाको मृत्यु भएको छ । 

प्रान्तीय सूचना तथा संस्कृति विभागले विज्ञप्ति मार्फत आइतबार राती गाडी प्रान्तको राजधानी फैजाबाद सहरतर्फ गइरहेको अवस्थामा दुर्घटना भएको बताएको छ । स्थानीय वासिन्दा तथा उद्धारकर्ताहरू घटनास्थलमा पुगी घाईतेको उद्धार गर्नुका साथै  शवहरू निकालेको विज्ञप्तिमा उल्लेख गरिएको छ ।  

स्रोतका अनुसार गत हप्ता मात्र यहि क्षेत्रमा यात्रु बहाक गाडी दुर्घटना हुदाँ महिला तथा बालबालिका सहित ८ जना यात्रुहरूको ज्यान गएको थियो ।