मेक्सिकोको दक्षिणी राज्य ताबास्कोमा एक सशस्त्र समूहको आक्रमणमा ६ जनाको मृत्यु

एजेन्सी । मेक्सिकोको दक्षिणी राज्य ताबास्कोमा एक सशस्त्र समूहको आक्रमणमा ६ जनाको मृत्यु भएको छ । ताबास्को राज्यको भिल्लाहेरमोसा सहरस्थित एक बारमा सशस्त्र कमान्डो प्रवेश गरी गोली चलाएको प्रहरीले जनाएको छ ।

पाँच जनाको घटनास्थलमै र एक जनाको उपचारका लागि अस्पताल लैजाँदै गर्दा मृत्यु भएको बताइएको छ ।  सशस्त्र आक्रमणमा १० जना घाइते भएका छन । घाइलेहरुलाई उपचारका लागि सहरका विभिन्न अस्पतालमा भर्ना गरिएको छ ।

प्रहरीले घटनाको अनुसन्धान भैरहेको जनाएको छ । घटना संगठित आपराधिक गतिविधिसँग सम्बन्धित नभएको बताइएको छ ।