प्रधानमन्त्री ओलीले आज राष्ट्रिय गौरवका आयोजनाहरूको ब्रिफिङ लिने

काठमाडौं । प्रधानमन्त्री के.पी. शर्मा ओलीले आज (आइतबार) राष्ट्रिय गौरवका आयोजनाहरूको ब्रिफिङ लिने भएका छन् । 

राष्ट्रिय गौरवका आयोजनाहरूको अवस्था बारे जानकारी लिन प्रधानमन्त्री तथा मन्त्रिपरिषद् कार्यालयमा दिउँसो ३ बजे बैठक बोलाइएको हो । 

सञ्चालनमा रहेका राष्ट्रिय गौरवका आयोजनाको प्रगति र आयोजना सञ्चालनका क्रममा आएको चुनौतीको विषयमा आयोजना प्रमुख र सरोकारवाला सँग प्रधानमन्त्रीले ब्रिफिङ लिन लागेको सचिवालयले जनाएको छ । 

सडक, सिँचाइ, जलविद्युत, सुरुङमार्ग लगायतका ठूला योजनाहरू राष्ट्रिय गौरवका आयोजनामा समेटिए पनि अपेक्षित उपलब्धी हासिल हुन सकेको छैन ।