टी–ट्वान्टी आई शृंखलामा महिला क्रिकेट टिमले हङकङसँग प्रतिस्पर्धा गर्दै

चार देशीय टी–ट्वान्टी आई शृंखला आजवाट मलेसियामा सुरु हुँदैछ । नेपाली महिला क्रिकेट टिमले आज पहिलो खेलमा हङकङसँग प्रतिस्पर्धा गर्दैछ ।  मलेसियाको बायमास ओभलमा मध्याह्न पौने १२ बजे खेल सुरु हुनेछ । आज सुरु हुने शृंखलाको उदाटन खेलमा आयोजक मलेसियाले कुवेतको सामना गर्नेछ ।  शृंखलामा नेपालसँगै मलेसिया, हङकङ र कुवेतको सहभागिता छ । नेपालले आफ्नो दोस्रो खेल भदौ ६ गते कुवेत र लिग चरणको अन्तिम खेलमा ८ गते मलेसियासँग खेल्नेछ । समूहका शीर्ष दुई टिमले फाइनल खेल्नेछन् भने पुछारका दुई टिमले तेस्रो स्थानका लागि खेल्नेछन् । आईसीसी विश्वकप एसिया क्षेत्र छनोटका लागि मलेसिया गएको नेपाली टिमले अन्तिम अभ्यास स्वरुप चार देश सम्मिलित शृंखला खेल्न लागेको हो । नेपाली टिमले शृंखलापछि थाइल्यान्डसँग एउटा अभ्यास खेल खेल्ने तालिका छ । एसिया क्षेत्र छनोट आगामी भदौ १४ गते मलेसियामै सुरु हुँदैछ ।