विश्वका सबैभन्दा अग्ली र होची महिलाको रोचक भेट

 एजेन्सी । हालसालै विश्वकी सबैभन्दा अग्ली महिला र सबैभन्दा होची महिलाको बेलायतमा भेट भएको थियो । 

बीबीसीका अनुुसार उनीहरुको गिनिस वर्ल्ड रेकर्ड्स दिवसका अवसरमा लन्डनमा भेटघाट भएको हो। विश्वकी सबैभन्दा अग्ली भनिएकी टर्कीकी रुमेसा गेल्गी २१५.१६ सेन्टिमिटर (७ फिट ७ इन्च) अग्ली छिन्। उता होची भनिएकी भारतकी ज्योति आम्गे ६२.८ सेन्टिमिटर (२ फिट ७ इन्च) अग्ली छिन्।

गेल्गी खोज तथा अनुसन्धानमा संलग्न रहेकी छिन् ।  आम्गे भने  कलाकारिता क्षेत्रमा काम गर्छिन् । यी दुई महिला एक अर्कासँग भेट्न पाउँदा निकै खुसी देखिएका थिए । भारतकी आम्गे भन्दा टर्कीकी  गेल्गी पाँच फिट अग्ली छिन्।