पूर्वराजा ज्ञानेन्द्र शाह लुम्बिनीमा

काठमाडौं । पूर्वराजा ज्ञानेन्द्र शाह आज (शुक्रबार) लुम्बिनीमा निर्मित हजार बुद्ध मन्दिरको पूजा कार्यक्रममा सहभागी भएका छन् । 

पूजा कार्यक्रममा सहभागी हुन पूर्वराजा आज बिहान गौतम बुद्धको जन्मस्थल लुम्बिनी पुगेका हुन् । लुम्बिनीमा रहँदा पूर्वराजा शाहले स्थानीय सँग अन्तरक्रिया गर्ने कार्यक्रम पनि रहेको पूर्वराजाको सचिवालयले जनाएको छ । 

विश्व शान्तिको कामना गर्दै लुम्बिनीमा पाँच दिने पूजा शुुरू भएको हो । मंसिर ४ गते देखि शुरू भएको पूजा ८ गते सकिनेछ ।

पूर्व राजा शाह पूजा सकेर आज नै काठमाडौं फर्कने योजनामा रहेको बताइएको छ।