आज पूर्वराजा ज्ञानेन्द्र शाह लुम्बिनी जाँदै

काठमाडौं । पूर्व राजा ज्ञानेन्द्र शाह शुक्रबार (आज) लुम्बिनी जाने भएका छन् । 

शुक्रबार बुद्धको जन्मस्थल लुम्बिनीमा एम पूजामा सरिक हुन उनी त्यस तर्फ जान लागेका हुन् । 

पूर्व राजा शाह बुद्धको जन्मस्थल लुम्बिनीमा निर्मित हजार बुद्ध मन्दिरको पूजा कार्यक्रममा सरिक हुने कार्यक्रम तय भएको संवाद सचिव डा. फणीराज पाठकले जानकारी दिए ।

लुम्बिनी थाइजेन्ड बुद्ध विहारमा मङ्सिर ४ गते बाट विश्व शान्तिको कामना र विहारमा स्थापना गरिएका १ हजार बुद्ध मूर्तिको प्राण प्रतिष्ठान पूजा चलिरहेको छ। 

पूर्व राजा शाह पूजा सकेर आज नै काठमाडौं फर्कने योजनामा रहेको बताइएको छ।