एमालेले आज शक्ति प्रदर्शन गर्दै

काठमाडौं । सत्ताको नेतृत्व गरिरहेको नेकपा एमालेले शुक्रबार सडकमा शक्ति प्रदर्शन गर्दैछ । 

एमालेले  काठमाडौंको दरबारमार्गमा एक लाख मानिस सडकमा उतारेर ‘जागरण सभा’ गर्न लागेको हो । जागरण सभालाई पार्टी अध्यक्ष समेत रहेका प्रधानमन्त्री के.पी. शर्मा ओलीले सम्बोधन गर्नेछन् । 

भद्रकाली बाट जुलुस न्युरोड गेट, वीर हस्पिटल, रत्नपार्क, त्रिचन्द्र क्याम्पसको अगाडि बाट दरबारमार्गमा पुगेर कोणसभामा परिणत हुनेछ । बिहान साढे ११ बजे जुलुुस शुरू गरेर साढे १२ बजे दरबारमार्गमा कार्यक्रम हुनेछ । 

अराजकता र निराशालाई चिर्न जागरण सभा गर्न लागिएको एमालेले जनाएको छ । एमालेले उपनिर्वाचन लक्षित गरेर कार्यक्रम गर्न लागेको हो । मंसिर १६ गते स्थानीय तहमा रिक्त रहेका ४२ पदमा उपनिर्वाचन हुँदै छ ।