१७ क्विन्टल गाँजा सहित १ जना पक्राउ

सप्तरी । राजगढ गाउँपालिका–४ बाट १७ क्विन्टल ३६ किलो गाँजा सहित १ जनालाई  नियन्त्रणमा लिइएको छ । 

बालुवा र गिट्टीले छोपेर उक्त परिमाणको गाँजा लिएर राजगढ गाउँपालिका–४ बेल्ही चपेना शनि मन्दिर स्थित भित्री सडक खण्डमा पत्थरगाढा बाट झुटकी तर्फ गइरहेको टिपर र त्यसका चालकलाई सोमबार राति पक्राउ गरिएको हो । 

कल्याणपुर स्थित इलाका प्रहरी कार्यालयका अनुसार टिपर निरीक्षण गर्दा ५६ बोरा गाँजा फेला परेको हो । टिपर चालक धनकुटाको सहिदभूमि गाउँपालिका–३ का ३३ वर्षीय यमजित राईलाई पक्राउ परेका छन् । 

निजलाई मंगलबार अदातलमा पेस गरिने छ । उनलाई हिरासतमा राखेर कारबाही अघि बढाउन प्रहरीले अदालत सँग अनुमति लिनेछ । 
रासस