यूईएफए नेसन्स लिग : इटालीलाई हराएर फ्रान्स शीर्षमा

एजेन्सी । । फ्रान्सले यूईएफए नेसन्स लिगमा इटालीलाई ३–१ ले हराएको छ । जितसँगै फ्रान्सले लिग–वानको ग्रुप–टु जितेको छ । इटाली एकै गोल अन्तरले मात्र पराजित रहेको भए समूह विजेता हुने थियो । फ्रान्सका लागि एडरिन रेबियटले  दुई गोल गरे । गोन्जेलिमोले एक गोल थपे । त्यस्तै इटालीका लागि आन्द्रेसाले एक गोल गरे ।

सन् १९८३ यता घरेलु मैदानमा इटालीको यो सबैभन्दा ठूलो अन्तरको हार पनि हो । यसै समूहको अर्को खेलमा इजरायलले बेल्जियमलाई १–० ले स्तब्ध पार्‍यो । इंग्ल्यान्डले भने लिग–बी ग्रुप–टुमा इंग्ल्यान्डले आयरल्यान्ड गणतन्त्रलाई ५–० ले हराउदै माथिल्लो श्रेणीमा उक्लिन सफल रह्यो । दस खेलाडीमा सीमित आयरल्यान्डविरुद्धका सबै पाँच गोल दोस्रो हाफमा भएका हुन् । अन्तरिम प्रशिक्षक ली कार्लसीको नेतृत्वमा इंग्ल्यान्डले खेलेको यो अन्तिम खेल हो । यसमै समूहमा ग्रिसले फिनल्यान्डमाथि २–० को जित निकालेको छ