पूर्व सभामुख दमनाथ ढुङ्गानाको निधन

काठमाडौ। पूर्व सभामुख दमनाथ ढुङ्गानाको निधन भएको छ ।

स्वास्थ्यमा समस्या आएपछि फ्रन्ट लाइन अस्पतालमा भर्ना गरिएको ढुङ्गानाको आज दिउँसो  निधन भएको हो।

वरिष्ठ अधिवक्तासमेत रहेका  ढुङ्गाना २०४८ सालदेखि २०५१ सम्म सभामुख  थिए। आम निर्वाचन २०४८ मा  काठमाडौँ क्षेत्र नं २ बाट नेपाली कांग्रेसका तर्फबाट प्रतिनिधिसभामा निर्वाचित भएर ढुंगाना प्रतिनिधिसभाको सभामुख बनेका थिए।

नेपालको प्रजातान्त्रिक आन्दोलनमा महत्वपूर्ण योगदान दिएका ढुंगाना राजनीतिक आन्दोलनका क्रममा पटक–पटक जेल पनि परेका थिए । ढुंगानाका श्रीमति, दुई छोरा र एक छोरी छन् । ढुङ्गानाको भोलि अन्त्येष्टि गरिने छ ।