भारतद्वारा लामो दूरीको हाइपरसोनिक मिसाइलको सफल परीक्षण

एजेन्सी । भारतले आइतबार लामो दूरीको हाइपरसोनिक मिसाइलको सफल परीक्षण गरेको छ । 

भारतले ओडिशाको डा. एपीजे अब्दुल कलाम तटमा सो लामो दूरीको हाइपरसोनिक मिसाइलको परीक्षण गरेको हो । भारतीय रक्षामन्त्री राजनाथ सिंहले यसलाई सैन्य शक्तिको लागि महत्वपूर्ण कदम भनेका छन् ।उनले सामाजिक संजालमा भारतीय सशस्त्र बल र डीआरडीओ (रक्षा अनुसन्धान र विकास संगठन) लाई बधाई दिएका छन् ।

उनले लेखेका छन्, ‘यो ऐतिहासिक क्षण हो र यो महत्त्वपूर्ण उपलब्धिले हाम्रो देशलाई यस्तो महत्वपूर्ण र उन्नत सैन्य प्रविधिको क्षमता भएका देशहरूको समूहमा समावेश गरेको छ।’ समाचारमा बताइए अनुसार यो क्षेप्यास्त्रलाई १५०० किलोमिटरभन्दा बढी दूरीका लागि  विभिन्न युद्धका सामग्रीहरु बोक्न डिजाइन गरिएको हो।