जर्मनी र नेदरल्यान्ड्सको नेसन्स लिगमा सानदार जित

काठमाडौं । जर्मनी र नेदरल्यान्ड्सले नेसन्स लिगमा सानदार जित निकालेका छन् । खेलमा जर्मनीले तुलनात्मक रुपमा कमजोर बोस्निया एण्ड हर्जगोभिना माथि ७–० को एकपक्षीय जित निकालेको हो । 

घरेलु मैदानमा भएको खेलमा जर्मनीको फराकिलो जितमा फ्लोरिएन रिट्ज र टिम क्लाइनडिस्टले समान २ तथा जमल मुसिएला, काई हाभर्टज र लिरोए सानेले समान १ गोल गरे । जित सँगै लिग ए ग्रुप ३ मा अपराजित रहेको जर्मनीले ५ खेल बाट १३ अंक बटुलेको छ । जर्मनी च्याम्पियनसिप प्ले अफको लागि छनोट भएको छ । पराजित बोस्निया भने लिग बीमा झरेको छ । 

यही समूहको अर्काे खेलमा नेदरल्यान्ड्सले हंगेरीलाई ४–० ले हराएको छ । नेदरल्यान्ड्सको जितमा वोउट वेगह्रस्ट, कोडी गाक्पो, डेन्जेल डेम्फ्रेज र टिउन कुपमेइनर्सले गोल गरे । यस जित सँगै नेदरल्यान्ड्सले अर्काे चरण पुग्ने सम्भावना बलियो बनाएको छ । 

नेदरल्यान्ड्सको ५ खेल बाट ८ अंक तथा पराजित हंगेरीको समान खेल बाटै ५ अंक छ । राति नै लिग–बी ग्रुप–वानमा जर्जिया र युक्रेनले एक एक तथा अल्बानिया र चेक गणतन्त्रले गोल रहित बराबरी खेलेका छन ।।