संविधानलाई अक्षरंश पालना गरेर कानून बनाउनुपर्छ : डा. शेखर कोइराला

काठमाडौं । नेपाली कांग्रेसका नेता डा.शेखर कोइरालाले संविधानलाई अक्षरंश पालना गरेर कानून बनाउनुपर्ने बताएका छन् ।

आज बिहिबार काठमाडौंमा अभिव्यक्ति स्वतन्त्रताको कसीमा सामाजिक सञ्जाल विधेयक–२०८० बारे बोल्दै उनले संविधानको पालना गरेर कानून बनाउनुपर्नेमा नागरिकलाई सजाय दिने किसिमले मात्रै कानून बन्ने गरेको गुनासो गरेका  छन् ।

नेता कोईरालाले उनले सामाजिक सञ्जाल विधेयक पुनःलेखन नै गर्न आवश्यक रहेको बताए । नेता कोइरालाले सरकार सधैँ निरंकुश हुने भन्दै सरोकारवालाहरुसँग बसेर छलफल गरेर मात्रै कानूनहरु बनाउनु उचित हुने बताए ।

सरकारले जहिल्यै नागरिकलाई पनिस्मेण्ट दिने हिसावले कानून बनाएको देखिएको उनको गुनासो थियो । कतिपय कानूनहरु संविधानसँग बाझिएका पनि डा.कोइरालाले बताए ।