मुगुको सोरु गाउँमा जिप दुर्घटना, ५ जनाको मृत्यु

मुगुको सोरु गाउँपालिकामा–७ मा जिप दुर्घटनामा मृत्यु हुनेको संख्या ५ जना पुगेको छ । दुर्घटनामा ४ जना गम्भीर घाइते छन ।  सीप पहिरो नजिक गएराति ग १ ज ७७६२ नम्बरको जिप दुर्घटना हुँदा मृत्यु हुनेमा सोरु गाउँपालिका–५ का लोकजन नेपाली, हुम्लाको रिप गाउँका राम परियार, सर्केगार्ड–२ हुम्लाका प्रकाश बोहोरा, हुम्ला सर्केगार्ड–२ का राम परियार र सर्केगाड–२ हुम्लाका पियुस परियार रहेका छन् । त्यसैगरी उक्त जिप दुर्घटनामा सोरु गाउँपालिका–५ का गोविन्द शाही, सिप गाउँका जिप चालक दिनेश लावड र सोरु गाउँपालिका–६ बन्जाहाँ गाउँका सेरे रोकाया र हुम्ला सिमकोट २ का उद्दिम बोहोरा घाइते छन ।  सोरुकोटबाट गमगढीतर्फ जाँदै गरेको  जिप सीप पहिरो नजिक सडकबाट २ सय मिटरभन्दा तल खसेर दुर्घटना हुँदा घटनास्थमै दुई जनाको मृत्यु भएको र थप २ जनाको सीप स्वास्थ्यचौकीमा मृत्यु भएको हो ।  एक जना लोकजन नेपालीको उपचारको लागि जिल्ला अस्पताल लैजाँदै गर्दा बाटोमै मृत्यु भएको हो । घाइते ४ जनाको जिल्ला अस्पतालमा उपचार भइरहेको छ ।