भक्तपुरमा हातखुट्टा बाँधिएको अवस्थामा मृत भेटिइन् विष्णुकुमारी

काठमाडौं । भक्तपुरमा एक वृद्धा मृत फेला परेकी छन् । मृत फेला पर्नेमा भक्तपुर नगरपालिका३, दरबारस्क्वायर इछुगल्लीकी ९४ वर्षीय विष्णुकुमारी त्वयना रहेकी छन् ।

उनको शव बुधबार बेलुकी आफ्नै घरमा फेला परेको प्रहरीले जानकारी दिएको छ । ती वृद्धाको शव आफू सुत्ने कोठामा कपडाले दुबै खुट्टा एकै ठाँउमा बाँधिएको अवस्थामा फेला परेको प्रहरीको भनाइ छ ।

शव पोस्टमार्टमका लागि काठमाडौं मेडिकल कलेज, दुवाकोट, भक्तपुर पठाइएको र घटनाबारे थप अनुसन्धान भइरहेको प्रहरीले जनाएको छ ।