घट्यो सुनको मूल्य

काठमाडौं । स्थानीय बजारमा बिहीबार सुनको मूल्य तोलामा २ हजार २ सयले घटेको छ । 

नेपाल सुनचाँदी व्यवसायी महासङ्घका अनुसार बुधबार प्रतितोला १ लाख ६२ हजार २ सयमा कारोबार भएको छापावाला सुन बिहीबारको लागि १ लाख ६० हजार निर्धारण भएको छ ।

यस्तै, चाँदीको मूल्य तोलामा ३५ ले घटेको छ । बुधबार प्रतितोला १ हजार ९ सय ४० मा कारोबार भएको चाँदी बिहीबारको लागि भने १ हजार ९ सय ५ निर्धारण भएको महासङ्घले जनाएको छ । 
रासस