विश्वकपमा छनोट भएको नेपाली महिला टोली आज स्वदेश फर्कदै

काठमाडौं । आईसीसी महिला अन्डर नाइन्टिन टी–२० विश्वकपमा छनोट भएको नेपाली टोली बिहीबार साँझ स्वदेश फर्किंदै छ । 

नेपाल क्रिकेट संघ क्यानले सवा ६ बजे टोली त्रिभुवन अन्तर्राष्ट्रिय विमानस्थलमा अवतरण गर्ने जनाएको छ । नेपालले लिगको अन्तिम खेलमा बुधबार घरेलु टोली यूएई माथि ८ विकेटको जित हात पार्दै विश्वकपमा स्थान बनाएको हो । 

नेपालको महिला टोली कुनै पनि विश्वकपमा छनोट भएको यो पहिलो पटक हो । महिला अन्डर नाइन्टिन विश्वकप सन् २०२५ को जनवरी १८ देखि २ फेब्रुअरी सम्म मलेसियामा हुनेछ । विश्वकपमा १६ टोली सहभागी हुनेछन् । 

नेपाल रहेको समूह ’डी’मा अस्ट्रेलिया, बंगलादेश र स्कटल्यान्ड छन् । नेपाल २०२७ को अन्डर नाइन्टिन महिला विश्वकपको सहआयोजक राष्ट्र पनि हो । नेपालले सन् २००७ मा अन्तर्राष्ट्रिय क्रिकेटमा डेब्यु गरेको गरेको हो ।