जुवाको खाल बाट ६ लाख नगद सहित १३ जना पक्राउ

तनहुँ । शुक्लागण्डकी नगरपालिका–२ हलेदीमा जुवाको खाल बाट ६ लाख ४३ हजार १ सय ९० रुपैयाँ सहित १३ जना पक्राउ परेका छन् । 

स्थानीय मानबहादुर घलेको घरमा कौडा खेलिरहेका उनीहरुलाई बेलचौतारा स्थित इलाका प्रहरी कार्यालय बाट परिचालन भएको प्रहरी टोलीले बुधबार राति पक्राउ गरेको हो । 

खालबाट १६ थान कौडा बरामद भएको छ । उनीहरु माथि मुलुक अपराध संहिता अनुसार कारबाही हुने प्रहरीले जनाएको छ । 
रासस