एन.पिए.ल.मा कर्णाली याक्स बाट भारतका शिखर धवनले खेल्ने

काठमाडौं। भारतीय चर्चित क्रिकेटर शिखर धवनले नेपाल प्रिमियर लिग (एनपिएल)मा कर्णाली याक्स बाट खेल्ने भएका छन्। 

हिमालयन विल्डर्स एन्ड इन्जियर्सको स्वामित्वमा रहेको कर्णालीले धवनलाई टोलीमा अनुबन्ध गरेको हो। कर्णाली प्रदेशको प्रतिनिधित्व गरेको कर्णाली याक्सले बिहीबार भारतीय राष्ट्रिय टिम बाट तीनै फर्म्याट क्रिकेट खेलिसकेका धवनलाई अनुबन्ध गरेको जानकारी गराएको छ । 

कर्णाली याक्सको टिम भारतमै पुगेर धवन सँग एनपीएलका लागि सम्झौता गरेको हो । सम्झौतामा टिम मालिक झनक दत्त खनाल र खेलाडी धवनले हस्ताक्षर गरेका छन् । सम्झौता रकम भने गोप्य राखिएको छ । सम्झौता हस्ताक्षर कार्यक्रममा कर्णाली याक्सका मालिक झनक दत्त खनाल र धवन सँगै भारतका लागि कार्यवहाक राजदूत डाक्टर सुरेन्द्र थापा सहित कर्णाली याक्सका सहमालिक गृहेन्द्र घिमिरेको उपस्थिति थियो ।

धवनले इन्डियन प्रिमियर लिग (आईपीएल)मा दिल्ली क्यापिटल्स, मुम्बई इन्डियन्स, सनराइजर्स हैदरावाद र पञ्जाव किंंग्स बाट खेलिसकेका छन्।सम्झौतापछि धवनले आगामी लिगमा कर्णाली याक्स बाट खेल्न उत्साहित भएको बताएका छन्।

एनपिएल मंसिर १५ गते देखि कीर्तिपुर स्थित टीयू मैदानमा शुरु हुनेछ ।