पाकिस्तानमा बस दुर्घटना हुँदा १४ जनाको मृत्यु

एजेन्सी । उत्तरी पाकिस्तानको गिलगिट–बाल्टिस्तानमा बस दुर्घटना हुँदा १४ जनाको मृत्यु भएको छ । 

एक विवाह समारोह बाट फर्कंदै गरेको २५ जना यात्रु बोकेको बस मङ्गलबार राति नदीमा खसेको पाकिस्तानी प्रहरी कार्यालयले जनाएको छ । 

उद्धारका लागि घटनास्थमा खटिएका वजीर असद अलीले भने, “बसमा २५ जना सवार थिए र अहिले सम्म १४ जनाको शव निकालिएको छ भने १० जना अझै हराइरहेका छन् ।” 

गिलगिट–बाल्टिस्तानको पहाडी क्षेत्रका प्रहरी अधिकारीले घटनाको पुष्टि गर्दै हराइरहेकाहरूको खोजी कार्य जारी रहेको बताएका छन् । 
रासस