घट्यो सुनचाँदीको मूल्य

काठमाडौं । स्थानीय बजारमा सुनको मूल्य २ हजार ४ सयले घटेको छ । 

नेपाल सुनचाँदी व्यवसायी महासङ्घका अनुसार सोमबार प्रतितोला १ लाख ६५ हजारमा कारोबार भएको छापावाला सुन मंगलबार १ लाख ६२ हजार ६ सयमा किनबेच भइरहेको छ ।

यसैगरी, चाँदीको मूल्यमा पनि गिरावट आएको छ । चाँदीको मूल्य प्रतितोला  ३० ले घटेको छ । सोमबार प्रतितोला १हजार ९५५ मा कारोबार भएको चाँदी मंगलबार १ हजार ९२५ मा खरिद बिक्री भइरहेको छ ।