एभिन्यूजको खबर कक्ष प्रवन्धकमा प्रभा थापा नियुक्त

काठमाडौं । एभिन्यूज खबर टेलिभिजनको खबर कक्ष प्रवन्धकमा प्रभा थापा नियुक्त भएकी छिन् । 

आइतबार एक कार्यक्रमका बीच थापालाई एभिन्यूजका कार्यकारी अध्यक्ष भाष्करराज राजकर्णिकारले खबर कक्ष प्रवन्धकको जिम्मेवारी पत्र दिएका  हुन् । थापा बिगत  ६ वर्षदेखि एभिन्यूजमा आवद्ध रहेकी छिन् ।  यस अघि उनले वरिष्ठ खबर प्रस्तोताका साथै समाचार प्रस्तोता संयोजकका रुपमा काम गर्दै आएकी थिइन् ।

खबर कक्ष प्रवन्धकमा रुपमा थापाले कार्यभार सम्हाल्दै गर्दा उनको विज्ञता र अनुभवले व्यवसायिक पत्रकारिताको क्षेत्रमा थप योगदान पुग्ने विश्वास एभिन्यूज खबर टेलिभिजनले लिएको छ ।

त्यसैगरी थापाले खबर कक्ष र संस्थाको ब्यवस्थापन बीचको कडीको रुपमा काम गर्ने बिश्वास पनि एभिन्यून खबरले गरेको छ । नियुक्ती पत्र ग्रहण गर्दै थापाले आफूलाई संस्थाले विश्वास गरेर सो जिम्मेवारी दिएकोमा हार्दिक आभार व्यक्त गरेकी थिइन् । सो अवसरमा एभिन्यूजका खबर प्रमुख केदार कोइराला लगायतको उपस्थिति रहेको थियो ।