घट्यो सुनको मूल्य

काठमाडौं । स्थानीय बजारमा आइतबार पहेँलो धातुको मूल्य प्रतितोला ५ सयले घटेको छ । 

नेपाल सुनचाँदी व्यवसायी महासङ्घका अनुसार शुक्रबार प्रतितोला १ लाख ६६ हजार ५ सयमा कारोबार भएको छापावाला सुन आइतबारको लागि भने १ लाख ६६ हजार निर्धारण भएको छ ।

यस्तै चाँदीको मूल्य प्रतितोला २० ले घटेको छ । शुक्रबार प्रतितोला १ हजार ९ सय ८० मा कारोबार भएको चाँदीको मूल्य आइतबारको लागि भने १ हजार ९ सय ६० निर्धारण भएको छ ।