सुर्खेतमा फोर्स गाडी दुर्घटना : ३ जनाको मृत्यु, १ जनाको अवस्था गम्भिर

काठमाडौं । दैलेखबाट सुर्खेत जाँदै गरेको फोर्स गाडी वीरेन्द्रनगर–१४ रातानाङ्ग्लामा दुर्घटनामा परेको छ ।

उक्त गाडी दुर्घटनामा परी ३ जनाको घटनास्थलमै मृत्यु भएको छ भने २६ जना घाइते भएका छन् । घाइतेमध्ये एक जनाको अवस्था गम्भिर रहेको छ ।

गाडीमा २९ जना यात्रु रहेकोमध्ये ३ जनाको मृत्यु भएको र बाँकी २६ जना घाइते भएको जिल्ला प्रहरी कार्यालय सुर्खेतका सूचना अधिकारी विरेन्द्र विर विश्वकर्माले एभिन्यूज खबरलाई जानकारी दिए । 

घाइते २६ जना यात्रुको उद्धार गरी कर्णाली प्रादेशिक अस्पताल सुर्खेतमा उपचार भइरहेको विर विश्वकर्माले बताए ।