आगलागी हुँदा १० लाखको क्षति

झापा । बिर्तामोड नगरपालिकामा बिहीबार राति आगलागी हुँदा १० लाख बराबरको क्षति भएको छ ।

बिर्तामोड–८ प्याकुरेल चोकका शिवलाल गौतमको भान्सा कोठामा अचानक आगलागी हुँदा १० लाख क्षति भएको जिल्ला प्रहरी कार्यालयका प्रवक्ता कृष्णकुमार चन्दले जानकारी दिए । 

आगलागी बाट भान्सा पूर्ण रूपमा जलेर नष्ट भएको छ भने एक स्कुटर समेत जलेको छ । आगलागी बाट घरको दक्षिण तर्फको बरण्डाको भाग समेत जलेर क्षति पुगेको प्रहरीले जनाएको छ ।

आगो निभाउने क्रममा सोही स्थानका मोहन तिमल्सिनाको हात, खुट्टा, गाला र ढाडमा सामान्य पिल्सिएको छ । स्थानीय मेडिकलमा सामान्य उपचार पछि उनलाई डिस्चार्ज गरिएको प्रहरीले जनाएको छ ।
रासस