बागलुङमा बस दुर्घटना हुँदा २१ जना घाइते

बागलुङ । बागलुङमा आज बस दुर्घटना हुँदा २१ जना घाइते भएका छन् । 

रुकुमदेखि काठमाडौँका लागि छुटेको ना८ख ८४१४ नम्बरको बस बागलुङको निसीखोला गाउँपालिका–६ जाउलेपानीमा दुर्घटनामा परेको हो । 

दुर्घटनामा परेका सबै घाइतेलाई बुर्तिबाङ प्राथमिक केन्द्र बागलुङमा ल्याइएको जिल्ला प्रहरी कार्यालय बागलुङले जानकारी दिएको छ । गाडीमा ४० यात्रु सवार रहेको प्रहरीको भनाइ छ । 

हाल प्रहरी र स्थानीयले उद्धार गरिरहेको र बुर्तिबाङबाट थप प्रहरी पठाइएको छ । थप विवरण आउन बाँकी रहेको प्रहरीले जनाएको छ ।