सुन र पैंसाको लोभले आमाको हत्या, २८ वर्षीय छोरा फुर्साङ पक्राउ

काठमाडौं । काभ्रेको रोशी गाउँपालिका–३ भञ्ज्याङगाउँमा आमाको हत्या गरेको आरोपमा उनकै छोरा पक्राउ परेका छन् ।

रोशीको भ्ञ्ज्याङगाउँमा साइलीकाजी भनिने ६९ वर्षीया माइली लामालाई उनकै छोरा २८ वर्षका फुर्साङ लामाले हत्या गरेको प्रहरीले जानकारी दिएको छ । 

फुर्साङलाई प्रहरीले १८ गते उनकै घरबाट पक्राउ गरेको हो । प्रारम्भिक सोधपुछका क्रममा फुर्साङले आमाको कानको सुनको रिङ र पैंसाको लोभले हत्या गरेको खुलको प्रहरीले जनाएको छ ।

अनुसन्धान गर्ने क्रममा फुर्साङले आमाको हत्या गरेपछि घर पछाडि खाल्डो खनेर पुरेको अवस्थामा सुन र रगत लागेको तीन हजार रुपियाँ फेला परेको प्रहरीको भनाइ छ ।

उनीविरुद्ध कर्तव्य ज्यानको कसुरमा अनुसन्धानका लागि ७ दिन हिरासतमा राख्न जिल्ला अदालत काभ्रेबाट अनुमति लिएको प्रहरीले बताएको छ ।