चट्याङ लागेर ३ जिल्लामा ११ जना घाइते

काठमाडौं । मंगलबार (आज) चट्याङ लागेर गुल्मीमा २ जना, दैलेखमा ६ जना र जाजरकोटमा ३ जना घाइते भएका छन् ।

गुल्मीको मदाने–१ र ५ नम्बर वडामा आफ्नै घरमा बसिरहेका २ जना महिला चट्याङ लागेर घाइते भएका छन्

यस्तै, दैलेखमा पनि चट्याङबाट ६ जना घाइते भएका छन् । दैलेखको भगवतीमाई गाउँपालिकामा–५ साङखोला चौरमा गोठाला गएका ६ जना बालिकाहरु चट्याङबाट लागेर घाइते भएका हुन् ।

यसैगरी, जाजरकोटको बारेकोट गाउँपालिकामा–१ धौलाकोटमा आफ्नो घर नजिकै रहेको टहरामा बसेर नास्ता खाइरहेको समयमा चट्याङ लागेर गर्भवती महिलासहित ३ जना महिला घाइते भएका छन् ।

चट्याङबाट घाइते भएका सबैको उपचार भइरहेको प्रहरीले जानकारी दिएको छ ।