स्कुटर दुर्घटना हुँदा १ जनाको मृत्यु

काठमाडौं । गोकर्णेश्वर नगरपालिका–८ माकलबारीमा गएराति स्कुटर दुर्घटना हुँदा १ जनाको मृत्यु भएको छ ।

दुर्घटनामा गोकर्णेश्वर नगरपालिका–७ दक्षिणढोका बस्ने सिन्धुपाल्चोक स्याउले घर भएका २१ वर्षीय दिनेश तामाङको मृत्यु भएको प्रहरीले जानकारी दिएको छ ।

स्कुटर अनियन्त्रित भई दुर्घटना भएको र दुर्घटनाबाट गम्भीर घाइते भएका तामाङको शङ्खरापुर अस्पताल नारायणटारमा उपचारको क्रममा मृत्यु भएको हो ।