त्रियुगा नदीमा डुबेर २ बालिकाको मृत्यु, एक बेपत्ता

सप्तरी । जिल्लाको कञ्चनरुप नगरपालिका–४ स्थित त्रियुगा नदीमा डुबेर आज २ बालिकाको मृत्यु र १ जना बेपत्ता भएका छन् । 

स्थानीय श्रवण महतोकी ९ वर्षीया छोरी प्रतिभा महतो र सुरेश सदाकी ८ वर्षीया छोरी जितनी सदाको नदीमा डुबेर मृत्यु भएको प्रहरीले जानकारी दिएको छ ।

प्रहरीका अनुसार कञ्चनरुप नगरपालिका–४ जगतपुरस्थित धनकटामा रहेको त्रियुगा नदीमा नुहाउने क्रममा तीन बालिका डुबेकामा दुई जनाको मृत्यु भएको र स्थानीय आठ वर्षीया काजल खंग अझै बेपत्ता रहेको छन् ।

बेपत्ता भएका बालिकाको खोजीकार्य जारी छ ।