काठमाडौंको बौद्धबाट २० जना जुवाडे पक्राउ, साढे ६ लाख रुपैयाँ बरामद

काठमाडौं । काठमाडौं महानगरपालिका–६ बौद्ध, रामहिटीस्थित रामबहादुर सुनारको घरमा जुवातास खेलिरहेको अवस्थामा २० जना पक्राउ परेका छन् ।

उनीहरुको साथबाट ६ लाख ६९ हजार ८ सय १० रुपैयाँ र खेलमा प्रयोग भएको तीन बुक तास र ६ वटा बुक तास नखोलेको प्रहरीले बरामद गरेको छ । 

जिल्ला प्रहरी परिसर काठमाडौं र प्रहरी वृत्त बौद्धबाट खटिइएको प्रहरी टोलीले उनीहरुलाई पक्राउ गरेको प्रहरीले जनाएको छ ।