बर्दियामा मोटरसाइकल एकआपसमा ठोक्किँदा १ जनाको मृत्यु, २ जना घाइते

बर्दिया । बर्दियाको मधुवन नगरपालिका–३ खातास्थित हुलाकी सडकमा दुइटा मोटरसाइकल ठोक्किँदा १ जनाको मृत्यु भएको छ ।

राजापुरबाट ओराली बजारतर्फ आउँदै गरेको भे १२ प २१९० र सानोश्रीबाट राजापुरतर्फ गइरहेको सुप्रप ०१–००९ प २१०४ नम्बरको मोटरसाइकल ठोक्किएको थियो ।

प्रहरीका अनुसार भे १२ प २१९० नम्बरको मोटरसाइकल चालक गेरुवा गाउँपालिका–५ का विकास चौधरीको मृत्यु भएको हो ।

सुप्रप ०१–००९ प २१०४ नम्बरको मोटरसाइकल चालक गेरुवा गाउँपालिका–४ गोलाका जितेन्द्र चौधरी गम्भीर घाइते भएको प्रहरीले जनाएको छ । सोही मोटरसाइकलमा सवार सोही ठाउँका ४६ वर्षीय शालिकराम चौधरी घाइते भएका छन् । 

घाइतेहरुको जिल्ला अस्पताल गुलरियामा उपचार भइरहेको छ ।