रोनाल्डो आवद्ध अल नासर अरब क्लब च्याम्पियन्स कपको फाइनलमा

क्रिष्ट्रियानो रोनाल्डो आवद्ध क्लब अल नासर अरब क्लब च्याम्पियन्स कपको फाइनलमा पुगेको छ । गएराति प्रिन्स सुल्तान बिन अब्दुल अजिज स्टेडियममा भएको सेमिफाइनलमा इराकको च्याम्पियन क्लब अल सोर्टा एससीलाई १–० गोलले हराउँदै अल नासर उपाधिनजिकै पुगेको हो । अल नासरको लागि एकमात्र गोल पोर्चुगिज सुपरस्टार क्रिष्टियानो रोनाल्डोले गरे ।  उनले खेलको ७५ औँ मिनेटमा पेनाल्टीमार्फत गोल गरेका हुन् । गएराति नै भएको अर्को खेलमा अल शबाबलाई हराउँदै अल हिलाल क्लब पनि फाइनलमा पुगेको छ ।  फाइनल खेल शनिबार राति हुने तालिका छ ।