गाइगोठमा लुकाइछिपाइ राखेको लागु औषधसहित २ जना पक्राउ

वीरगन्ज । बारामा लागु औषधसहित २ जना पक्राउ परेका छन् ।

गाइगोठमा लुकाइछिपाइ प्याकिङ गरिरहेको अवस्थामा ३४ किलो लागु औषध गाँजासहित २ जनालाई पक्राउ गरिएको बारा प्रहरीले जानकारी दिएको छ । 

सिम्रौनगढ प्रहरीको टोलीले सिम्रौनगढ नगरपालिका वडा नम्बर ४ गंगानगर बस्ने जितेन्द्र कुशवाहा र सरोज प्रसाद यादवलाई प्रहरीले पक्राउ गरेको हो । 

सोही वडा निवासी हिरा महतोको गाइगोठभित्र लुकाइछिपाइ गाँजा प्याकिङ गरिरहेको अवस्थामा आइतबार दुबै जनालाई पक्राउ गरिएको प्रहरीले जनाएको छ ।

पक्राउ गरेका दुबैजनामाथि लागु औषध सम्बन्धीको कसुरमा कारबाही प्रक्रिया अगाडि बढाएको प्रहरीले बताएको छ ।