हिजबुल्लाहका एक वरिष्ठ नेता इजरायली सेनाको नियन्त्रणमा

एजेन्सी । इजरायली सेनाले उत्तरी लेबनानी शहर ब्याट्रोन बाट सशस्त्र समूह हिजबुल्लाहका एक वरिष्ठ नेतालाई नियन्त्रणमा लिएको जनाएको छ । 

इजरायली सेनाका अनुसार उनीहरूले हिजबुल्लाहका एक वरिष्ठ नेतालाई शुक्रबार ब्याट्रोनमा आक्रमणमा क्रममा नियन्त्रणमा लिएका हुन् । इजरायली सेनाका एक वरिष्ठ अधिकारीका अनुसार विशेष अपरेशनका क्रममा हिजबुल्लाहका नेतालाई पक्राउ गरेर इजरायल लगिएको छ । 

अन्तर्राष्ट्रिय सञ्चार माध्यमका अनुसार हिजबुल्लाहले भने यस बारे कुनै प्रतिक्रिया दिएको छैन । लेबनानको सरकारी मिडियाका अनुसार अज्ञात सैन्य बलले बिहानै समुद्र तट नजिकैको एउटा भवनमा छापा मारेको थियो ।

यो घटनापछि लेबनानी प्रधानमन्त्री नजिब मिकातीको कार्यालयले परराष्ट्र मन्त्रालयलाई संयुक्त राष्ट्र सुरक्षा परिषद्मा उजुरी गर्न निर्देशन दिएको बताएको छ ।।