तेल कारखानामा आगलागी हुँदा ९ जनाको मृत्यु, ४ जना घाइते

एजेन्सी । इन्डोनेसियाको  जकार्ता सहर नजिकैको खाना पकाउने तेल कारखानामा आगलागी हुँदा नौ जनाको मृत्यु हुनुका साथै अन्य चार जना घाइते भएकाएक अधिकारीले शनिबार बताएका छन् ।  

बेकासीको विपद् व्यवस्थापन एजेन्सीको पुनर्निर्माण तथा पुनर्वास एकाईका प्रमुख इधम खोलिदका अनुसार बेकासी सहरको औद्योगिक परिसरमा शुक्रबार आगलागी भएको हो भने हाललाई आगो नियन्त्रणमा आईसकेको छ ।

घाइतेहरू मध्येका ३ जनासहित अधिकांश हताहतमा पर्नेहरू कारखानाका कामदारहरू तथा १ जना अग्नि नियन्त्रक रहेको जनाइएको छ ।  

जकार्ता खोजी तथा उद्धार विभागका प्रमुख अगुङ प्रियाम्बोडोले घाइते व्यक्तिहरू अस्पतालमा उपचार भइरहेको उल्लेख गरेका छन् ।