हङकङ सिक्सेस : इङ्ल्याण्ड र अस्ट्रेलियालाई हराएको नेपाल श्रीलंकासँग पराजित

काठमाडौं । हङकङ सिक्सेसमा श्रीलंकासँग पराजित हुदै नेपाल क्वाटरफाइनलबाट बाहिरिएको छ ।

शनिवार भएको क्वाटरफाइनल खेलमा श्रीलंकासँग नेपाल ४० रनले पराजित भएको हो ।  १ सय २४ रनको लक्ष्य पछ्याएको नेपालले ५ ओभरमा अल आउट हुँदै ८३ रन बनाउन सक्यो ।

त्यसअघि मिसन रोड मङकङमा टस हारेर पहिले ब्याटिङ गरेको श्रीलंकाले ६ ओभरमा २ विकेट गुमाएर १ सय २३ रन बनाएको थियो ।

विजेता श्रीलंकाले फाइनल प्रवेशका लागि बंगलादेश र युएईबीचको विजेतासँग खेल्नेछ । नेपालले बंगालादेश र युएईबीच पराजित हुने टोलीसँग प्लेट सेमिफाइनल खेल्नेछ ।

यसअघि नेपालले शुक्रबार इङ्ल्याण्ड र शनिबार बिहान अस्ट्रेलियालाई पाराजित गरेको थियो ।