अछाममा जीप दुर्घटना हुँदा ४ जना घाइते

अछाम । अछामको साँफेबगर नगरपालिका रिडिकोटमा जीप दुर्घटना हुँदा ४ जना घाइते भएका छन् ।

बयलपाटाबाट बाजुरा जाँदै गरेको लु.१ज.४७११ नम्बरको जीप ब्रेक फेल भएर रिडिकोटस्थित मध्यपहाडी लोकमार्गको नालीमा पल्टिदा बाजुराको त्रिवेणी नगरपालिका–६ बस्ने १९ वर्षीया नन्दा बुढा, बुढीगङ्गा नगरपालिका–४ बस्ने २७ वर्षीय राजेन्द्र लुहार र उनका छोरा ६ वर्षीय सक्षम लुहार तथा बाजुराकै खप्तड छेडेदह गाउँपालिका–३ का गाडी चालक २३ वर्षीय रोहित रावत घाइते भएका हुन् ।

घाइतेमध्ये नन्दा बुढाको टाउको र मुखमा गम्भीर चोट लागेको र अन्य सबैको अवस्था सामान्य छ । घाइते सबैको अछामस्थित न्याय हेल्थ बयलपाटामा उपचार भइरहेको जिल्ला प्रहरी कार्यालय अछामले जानकारी दिएको छ ।

गाडी चालकलाई नियन्त्रणमा लिइएको प्रहरीले जनाएको छ ।