राष्ट्रवादी शक्तिहरु एक हुनुपर्ने अध्यक्ष राणाको भनाइ

काठमाडौं । राष्ट्र रक्षार्थ एकता अभियानकी अध्यक्ष मीरा राणाले राष्ट्रवादी शक्तिहरु एक हुनुपर्ने बताएकी छन् । 

बुधबार एकता अभियानले आयोजना गरेको चियापान कार्यक्रममा अध्यक्ष राणाले राष्ट्र र राष्ट्रियताका सवालमा एक स्वरमा उभिने राष्ट्रवादी नेताहरु एक हुनुपर्ने बताएकी हुन् । उनले अभियानले राष्ट्रवादी नेताहरुलाई एक—अर्का सँग जोड्ने र नेपालको उज्वल भविष्य निर्माण गर्ने दिशा तर्फ अगाडि बढ्ने अवसर प्रदान गर्ने बताइन् । 

अध्यक्ष राणाले राष्ट्र रक्षार्थ एकता अभियान सम्पूर्ण नेपाली नागरिक सँग समन्वय गर्दै राष्ट्रहितको लागि नेतृत्व लिने नभई समवन्यात्मक भूमिका निर्वाह गर्ने साझा थलो समेत रहेको बताइन् । 

राष्ट्र रक्षार्थ एकता अभियानले राष्ट्र प्रति समर्पित नेपाली राष्ट्रवादीहरु माझ वैचारिक आदनप्रदान तथा भेटघाटलाई प्रात्सहान गर्न, नेपालको सामाजिक, धार्मिक, राजनितिक र राष्ट्रिय पहिचानको क्षेत्रमा प्रतिवद्धता जनाउन ‘देश चिन्तन २०८१ चियापान’ कार्यक्रम आयोजना गरेको हो ।