सिटीलाई हराउँदै कम्युनिटी शिल्डको उपाधि आर्सनललाई

इङलिस क्लब आर्सनलले कम्युनिटी शिल्डको उपाधि जितेको छ । गएराति म्यानचेस्टर सिटीलाई टाइब्रेकरमा ४–१ ले हराउँदै आर्सनलले सिजनको पहिलो उपाधि जितेको हो । निर्धारित समयको खेल १–१ गोलको बराबरीमा सकिएपछि निर्णय पेनाल्टी सुटआउटमा गरिएको थियो । खेलको ७७ औं मिनेटमा कोल पामरले सिटीका लागि गोल गरे । तर खेलको अन्तिम मिनेटमा आर्सनलका लिएन्ड्रो ट्रासार्डले गोल गरेपनि खेल अतिरिक्त समयमा पुगेको थियो । टाइब्रेकरमा पहिलो प्रहारमा आर्सनल कप्तान मार्टिन ओडेगार्डले गोल गर्दा सिटीका केभिन डे ब्रुएनको प्रहार क्रसबारमा लागेर फर्कियो । त्यसपछि आर्सनलका ट्रोसार्ड र सिटीका बर्नार्डो सिल्भाले लगातार गोल गरे । बुकायो साकाले तेस्रो प्रहार गोलमा परिणत गर्दा सिटीका मिडफिल्डर रोड्रीको प्रहार आर्सनलका गोलरक्षक आरोन राम्सडेलले बचाए । आर्सनलका फाबियो भिएराले चौथो प्रहारमा गोल गर्दै आर्सनललाई शिल्ड दिलाए । जित सहित आर्सनलले यस सिजनको प्रिमियर लिगको उपाधिमा बलियो दाबी पेश गरेको छ । गत सिजन आर्सनलले २ सय ४८ दिन प्रिमियर लिगको तालिकामा अगता दिएको थियो । तर अन्तिममा लिग उपाधि सिटीले जितेको थियो ।