तलब नपाएपछि हनुमाननगरका शिक्षक आन्दोलित,पठन पाठन ठप्प

रुपेश यादव

सप्तरी । सप्तरीको हनुमाननगर कङ्कालिनी नगरपालिकामा कार्यरत शिक्षक कर्मचारीहरुले तीन महिनादेखि   तलब नपाएपछि शिक आन्दोलनमा उत्रेका छन् । 

तलब नपाएपछि नगरपालिकाभित्रका सामुदायिक विद्यालयमा कार्यरत शिक्षकहरुले तलबको माग गर्दै  आइतबार नगरपालिका अगाडि धर्ना दिएका हुन् । तीन महिनाको तलब तथा दशैं भत्ता यथाशीघ्र पाउनुपर्ने शिक्षकहरूको माग रहेको छ । आन्दोलित शिक्षकहरुले पटक पटक नगरपालिकामा आफ्नो समस्या राखे पनि सुनुवाइ नभएपछि नगरपालिका परिसरमा धर्ना दिएर आन्दोलन गर्न बाध्य भएको  बताए। 

नगरपालिकाका प्रमुख र वडा अध्यक्षबीच भएको विवादका कारण हालसम्म नगर परिषद् बैठक हुन नसकेपछि शिक्षकसहित नगरपालिकाका कर्मचारीले गत साउनदेखि तलब पाएका छैनन्। शिक्षकहरू आन्दोलनमा गएपछि  सबै विद्यालयको पठनपाठन ठप्प छ ।