माओवादी एसिया महादेश समितिबाट बाढीपीडितलाई ८ लाख सहयोग

काठमाडौं । नेपाल कम्युनिष्ट पार्टी माओवादी केन्द्र एसिया महादेश सङ्गठन समन्वय समितिले बाढी, पहिरोपीडितका लागि ८ लाख ३८ हजार ३ सय सहयोग गरेको छ ।

समितिले आज पार्टी अध्यक्ष पुष्पकमल दाहाल ‘प्रचण्ड’ लाई सो रकमको चेक हस्तान्तरण गरेको हो ।

समितिका इञ्चार्ज पम्फा भुसाल र सहइञ्चार्ज ओम शर्मालगायतले प्रदान गरेको चेक ग्रहण गर्दै अध्यक्ष दाहालले सहयोगका लागि समितिलाई धन्यवाद दिए । उनले मानवीय विपद्को सबै मिलेर सामना गर्नुपर्ने बताए ।