टेलर स्वीफ्टको कन्सर्टले सियाटलमा भूकम्पको धक्का सिर्जना

गायिका टेलर स्वीफ्टको कन्सर्टले अमेरिकाको सियाटल सहरमा भूकम्पको धक्का महसुस गरिएको भूकम्पविद्ले बताएका छन् । गायिका स्वीफ्टको बहुचर्चित इरास टुर अन्तर्गत २२ र २३ जुलाईमा लुमेन फिल्डमा आयोजना गरिएको कन्सर्टको बेला २।३ म्याग्निच्युडको भूकम्प मापन गरिएको भूकम्पविद्ले जनाएका छन्  ।
कन्सर्टमा स्वीफ्टले करिब १ लाख ४४ हजार फ्यानका अगाडि प्रस्तुति दिएकी थिइन् ।
 
भूगर्भविद् ज्याकी काप्लान–औरब्याचले सो तथ्यांक स्वीफ्टको साउन्ड सिस्टम वा दर्शकहरुको कारणले गएको हुनसक्ने बताइन् । स्वीफ्टको कन्सर्टले यसअघि सियाटल सीहक र न्यु ओर्लियन्सबीचको खेलमा अमेरिकन फुटबल फ्यानहरुले सिर्जना गरेको भूकम्पको रेकर्ड पनि तोडेका छन् । त्यतिबेला मार्सन लिन्चले टचडाउन गर्दा समर्थकहरु उर्फेर २ म्याग्निच्युडको भूकम्प सिर्जना गरेका थिए ।
 
सांगीतिक कन्सर्टहरुमा यसअघि पनि भूकम्प सिर्जना हुने गरेका छन् । सन् २०११ मा फू फाइटरले न्यूजिल्याण्डमा कन्सर्ट गर्दा यस्तै सानो भूकम्प गएको थियो ।