हवाइजहाज निर्माण कम्पनी बोइङले आफ्ना १० प्रतिशत कर्मचारी हटाउने

काठमाडौं । हवाइजहाज निर्माण कम्पनी बोइङले आफ्ना १० प्रतिशत कर्मचारी हटाउने निर्णय गरेको छ । कम्पनीको यो निर्णयका कारण करिब १७ हजार कर्मचारीले जागिर गुमाउने छन् ।

बोइङको यो निर्णयले यसको उत्पादनमा पनि ढिलाइ हुने भएको छ । वास्तवमा, कम्पनीले हाल व्यवसायसँग सम्बन्धित धेरै समस्याहरूको सामना गरिरहेको छ । बोइङका प्रमुख कार्यकारी केली ओर्टबर्गले कर्मचारीहरूलाई पठाएको इमेलमा कार्यकारी, व्यवस्थापक र कर्मचारीको जागिर जोखिममा रहेको बताएकी छिन् ।

बोइङले आफ्नो हतियार र सैन्य उपकरण निर्माण व्यवसायमा घाटा हुने चेतावनी पनि दिएको छ । साथै, कम्पनीले आफ्नो नयाँ प्लेन ७७७ एक्सको डेलिभरी मिति पनि थपेको छ । बोइङले कर्मचारी हडताल र आफ्ना विमानहरूको गुणस्तरसँग सम्बन्धित समस्याहरूको सामना गरिरहेको छ ।