राष्ट्रपति पौडेलद्वारा शक्तिपीठमा पूजाअर्चना
२५ असोज, २०८१ १२:०७
काठमाडौं । राष्ट्रपति रामचन्द्र पौडेलले बडादशैं २०८१ का अवसरमा आज शुक्रबार काठमाडौँ उपत्यकाका विभिन्न शक्तिपीठको दर्शन एवं पूजाअर्चना गरी टीकाप्रसाद ग्रहण गरेका छन् । उनसँगै प्रथम महिला सविता पौडेलले समेत उपत्यकाका विभिन्न शक्तिपीठको दर्शन एवं पूजाअर्चना गरी टीकाप्रसाद ग्रहण गरेकी छिन् ।
उक्त अवसरमा राष्ट्रपति पौडेलले उपत्यकाका प्रमुख शक्तिपीठमध्ये नक्साल भगवती, गुह्येश्वरी, मैतीदेवी, कालिकास्थान, भद्रकाली, नरदेवी, रक्तकाली, इन्द्रायणी र शोभाभगवतीको पूजाअर्चना गरी टीकाप्रसाद ग्रहण गरेका राष्ट्रपतिको सचिवालयले जनाएको छ ।
आश्विन शुक्ल पक्ष शक्तिस्वरुपा दुर्गा भवानीको विशेष आराधना गर्ने पर्वका रूपमा लिइन्छ । यस अवसरमा देवीको पूजा, पाठ एवं दर्शन गर्न भक्तजन मन्दिर पुग्ने गर्छन् । बडादशैंका सन्दर्भमा आज काठमाडौँ उपत्यकालगायत देशभरका शक्तिपीठमा पूजाअर्चना गर्न भक्तजनको घुइँचो लागेको छ ।
झापामा बस र मोटरसाइकल ठोक्किँदा १ जनाको मृत्यु
कांग्रेसको द्वन्द्व व्यवस्थापन विभागमा दश सदस्य मनोनित
जन्म दिने आमाबाबु खोज्दै थिइन्, बाबु त फेसबुकमा साथी पो रहेछन्
कुष्ठरोग नियन्त्रण एवं जीवनस्तर सुधार सम्झौता
उपनिर्वाचन : मूलधारका राजनीतिक दल र नेतृत्वप्रति नै जनताको भरोसा
जन्मेदेखि तीन वर्षसम्म छोरीलाई दराजमा राख्ने निर्दयी आमा
अपाङ्गता भएका व्यक्तिप्रति सामाजिक दृष्टिकोण बदल्नुपर्छ : मुख्यमन्त्री कँडेल
प्रतिक्रिया