एभरेस्ट महिला भलिबल लिगको उपाधि कर्णालीलाई

काठमाडौं । एभरेस्ट महिला भलिबल लिगको उपाधि कर्णाली यशविसले जितेको छ । शनिबार सम्पन्न फाइनल खेलमा कर्णालीले ललितपुर क्विन्सलाई ३–२ सेटले पराजित गर्दै उपाधि जितेको हो ।

खेलमा कर्णालीले शुरुका दुई सेट जितेपछि ललितपुरले खेलमा कमब्याक गर्दै तेस्रो र चौथो सेट जितेको थियो । त्यसपछिको फाइनल सेट कर्णालीले १५–१३ ले जितेर उपाधि चुमेको हो । जारी प्रतियोगितामा कर्णालीले अपराजित रहँदै उपाधि हात पारेको छ ।