ADVERTISING

Breaking News

वीपी कोइराला स्वास्थ्य विज्ञान प्रतिष्ठानका पदाधिकारीको कार्यकक्षमा तालाबन्दी

 धरान ।सुनसरीको धरानस्थित वीपी कोइराला स्वास्थ्य विज्ञान प्रतिष्ठानका आन्दोलनरत पक्षले चार पदाधिकारीको कार्यकक्षमा तालाबन्दी गरेको छन् । दुई सातादेखि आन्दोलनरत संयुक्त संघर्ष समितिले उपकुलपति, रेक्टर, रजिष्ट्रार र अस्पताल निर्देशकको कार्यालयमा बुधबार बिहान तालाबन्दी गरेका हुन् ।

आन्दोलनरत संयुक्त संघर्ष समितिले आज उपकुलपति डा ज्ञानेन्द्र गिरी रेक्टर डा गुरुप्रसाद खनाल,रजिष्ट्रार डा मोहनचन्द्र रेग्मी र अस्पतालका निर्देशक डा गौरीशंकर साहको कार्यकक्षमा ताला लगाएका हुन् ।

संयुक्त संघर्ष समितिका सहसंयोजक डा विष्णु पोखरेलले प्राज्ञिक थलोमा बार्ताका लागि आउँदा उपकुलपति डा ज्ञानेन्द्र गिरी नाघेर आएकाले अब प्रतिष्ठानका पदाधिकारीसँग बार्ताका औचित्य समाप्त भएको बताए ।

उनले प्रतिष्ठानमा जारी आन्दोलनको समस्या हलका लागि सरकारले बनाउने वार्ता टोलीसँग मात्र अब आफूहरु वार्तामा बस्ने बताए ।

सरकारले बनाउने वार्ता टोलीसँगको बार्ताका लागि प्रतिष्ठानका चार पदाधिकारीको राजीनामा दिनुपर्ने पहिलो शर्त रहने संयुक्त संघर्ष समितिका सहसंयोजक पोखरेलले बताए ।
प्रतिष्ठानमा अनियमितता भएको भन्दै फ्याकल्टी, विद्यार्थी, नर्स तथा चिकित्सकहरु गएको असार १ गतेबाट आन्दोलनमा छन् ।आन्दोलनरकारीहरुले दुई दिनयता रिले अनसन गरिरहेका छन् ।

leave a reply